اُوَيدك ديدنم برنونه چَگْني⁽¹⁾

زِ سَر اسبِس مَنُم⁽²⁾ برنونه چگني

گُدَك وُرگَرد تا ريتِ بِوينم

مِنِ وُرگَشتَنم برنونه چگني

***

گُدي:« مَه» گُدُمِتْ :« مَه كينِ⁽³⁾ تَي تو»

گُدي :« افتو» گُدم :« مقوينِ⁽⁴⁾ تَي تو »

گُدي :« ارَ هاشُقي وا كُه بِرُمني⁽⁵⁾ »

دُور ! كُه كَنْدِنَم شيرينِ تَي تو

دو تا پازَن زِ او تا رو⁽⁶⁾ ديارِ

وري ! گَو دي وري وردا قَطارِ

وري وردار و چاكِس كن رَوارو⁽⁷⁾

تفنگِ برنوِ ري شونم⁽¹⁾ اَمشو

منِ سَوزو⁽²⁾ ولو ويلونم⁽³⁾ امشو

مو آرمونم ، دو تا كوگِ ، ‌يَه پازن

خدايا دي وِرا⁽⁴⁾ آرمونم امشو

تفنگ و تُربه و ديربين به دستم

اُويدم بالِ اَو اِسْپي⁽⁵⁾ نشستم

خدا دونه به غيرا كوگِ تاراز

منِ دنيا به هيچي دل نبستم

***

يه پازن اِز كمر وَيدك وَبالا

يه پازن شيشِ⁽⁶⁾ نَر ويدك وَبالا

بنه ري گِل⁽⁷⁾ تفنگِ تا رَد اَوبو

مَنُم كه بي خور ويدك وَبالا