وَك وِلو⁽¹⁾ وَوبيديم  و جاوُرگهامون⁽²⁾ تش گرهد

بس كه  منديرِ⁽³⁾ صُوَ بيديم  حَلامون تش گرهد

چند روزِ آزگار⁽⁴⁾ اَو  تِشنيامونِ⁽⁵⁾ نَجُست

يه قُلُپ  برفو ، كه جُستيم  دوربامون تش گرهد

خَست و خين  اَوبيديم  اِزبَس تَينيدنمون⁽⁶⁾ بي خور

تيگ نويسَم  ديدمون  و  زيرِ پامون  تش گرهد

كيونوي⁽⁷⁾ مال ايخَوسْتيم ، كوهنه بشخيدن  بِمون

وَختِ ديدن  بَيله⁽⁸⁾ و بَيگ⁽⁹⁾ و پَشامون⁽¹⁰⁾ تش گرهد

پِرپروكَم  وَي⁽¹¹⁾ بلاكَم  شونه  بامون  سركُنه

يَه دَمون مند  و پَرِس  سُوهد  و دلامون  تش گرهد

گوهدن  اَر حرسا  بريسن ، تَش بلازه  كور ايبو

ايقذَر  ما  حَرس‏‏‏‏‏‎ رهديم  كه  تيامون  تش گرهد