يكي نِه  اِخواهُم  زِ جا خُس  وُرِستِه⁽¹⁾

نترسه  زِهِشكي⁽²⁾ وَ پا خس  وُرسته

يكي كه  سَفيدينهِ  وا خُس  بياره

نَبو مِن دِلا  دِي سيا ، خس  وُرسته

يَه دم  رِي تياسه  بُوَنْدِه ، ‌بلاكم …

بِكَهنِه⁽³⁾ زِ ايي آدُما ، ‌خس  وُرسته

اَير چه  دِلامون  بَلاگير اَويدِن

اَبا  دونه حَرسا ، ‌بَلا  خس  وُرسته

بيويين  وَبا يك  بِرِيم  مالِ افتو

كه يا  شَونه  وُردارِ  يا  خُس  وُرسته

نگو  گَو : « مو  و تو  كه نِي بو  وُرستيم »

وُرستيم  خُم  و خُت ، خدا خُس  وُرسته